PATINETAN IKASTEKO EDO HOBETZEKO HAUR ETA HELDUENTZAKO PATINEN IKASTAROA IZANGO DA OTSAILETIK
Azpeitiko Udalak patinaje ikastaroa antolatu du patinetan ibiltzen ikasi edo beren teknika hobetu nahi duten haur eta helduentzat. Otsailetik apirilera bitartean gauzatuko da ikastaroa eta helduei (hasi berrientzako zein patinetan moldatzen direnentzakoan) eta Lehen Hezkuntzako ikasleei zuzendutako ikastaroa izango da (adinaren arabera, bi talde egingo dira).
Helduentzako bi talde osatuko dira: hasi berrientzako taldeak 10:00etatik 11:30era izango du klasea, eta, patinetan ondo moldatzen direnen taldeak 11:30etik 13:00etara izango da. Haurrentzako ere bi talde osatuko dira eta arratsaldez izango dute ikastaroa; 17:00etatik 18:30era LH 1 eta 3 arteko haurrentzako ikastaroa eskainiko da eta 18:30etik 20:00etara LH4tik LH6ra bitartekoentzako. Taldeak mugatuak izango dira eta ikastaroa egiteko ezinbestekoa izango da patinak eta kaskoa eramatea.
Izena igerilekuan eman beharko da. Kirol Patronatuko bazkideek 50€ ordaindu beharko dute eta bazkide ez direnek 75€.
Noiz
Otsailaren 4- 5, 12 eta 18an;
Martxoaren 4-5 eta 11-12an;
Apirilaren 1-2 eta 29-30ean.
