2023-2024 ikastaroak

Haur, gazte eta helduentzako kirol jarduera eskaintza zabala izango da 2023-2024 ikasturtean.

Izena emateko epea irailaren 11tik 17ra bitartean irekiko da. Izen emate orriak harreran jaso eta beteta itzuli behar dira. Ikastaroetan gehienezko pertsona kopurua gainditzen den kasuetan, zozketa egingo da.

Urtero bezala, 2023-2024 ikasturterako eskaintza zabala prestatu du Kirol Patronatuak. Ikusi eskaintza hemen.

Ikastaro guztiak urriaren 2an hasiko dira. Aretoko ikastaro guztiek zein helduen igeriketako ikastaroek ikasturte osoko iraupena izango dute, urritik ekainera bitarte, hain zuzen ere. Haurren igeriketako jarduerek, aldiz, 3 hilabeteko iraupena izango dute eta ikastaro bakoitzaren hasieran izen emate epe berri bat irekiko da.

Eskaintzaren inguruko zalantzak edo informazio gehiago nahi izanez gero, gerturatu igerilekuko harrerara edo deitu 943814121 telefonora.

Abuztuaren 2tik 13ra igerileku estalia itxita egongo da, urteko mantentze lanak direla eta

Uztailaren 30 eta 31n, berriz, kirol instalazioak itxita egongo dira, herriko festak direlako.

Urtero bezala, abuztuko lehen egunak erabiliko dira 6 kaleko igerilekuko eta igerileku txikiko beharrezko mantentze lanak egiteko. Hori horrela, abuztuaren 2tik 13ra ez dira erabilgarri egongo instalazio horiek. Igerilekuko gainontzeko zerbitzuak (gimnasioa eta sauna) erabilgarri egongo dira, abuztuko ordutegian. Horrez gain, gogoratu, uztailaren 30 eta 31n, eta abuztuaren 1ean, igerilekuko eraikina itxita egongo dela, herriko festak direla eta.

Abuztuko ordutegia, honakoa da:

• Astelehenetik larunbatera: 9:00-13:00 / 16:00-20:00
• Igande eta jai egunetan: 9:00-14:00

Bestalde, kirolegia ere itxita egongo da uztailaren 30tik abuztuaren 13ra bitarte. Gainontzean, urteko egutegian egongo da irekita.
Azkenik, gogoratu kanpoko igerilekua irailaren 10era arte irekita dagoela, egunero, 11:00tatik 20:00tara.

PATINAJE IKASTARO TRINKOA ESKAINIKO DU EKAINEAN AZPEITIAKO UDALAK

Udaberriko ikastaroaren arrakasta ikusirik, Azpeitiko Udalak patinaje ikastaro trinkoa antolatu du ekaina amaierarako. Saioak arratsaldez izango dira, ekainaren 19, 20, 21, 22 eta 24ean.

Helduentzako bi talde osatuko dira: hasi berrientzako taldeak 18:30tatik 19:30tara izango du klasea, eta, patinetan ondo moldatzen direnen taldeak, aldiz, 19:30tatik 21:00tara. Haurrentzako ere bi talde osatuko dira; 16:30etik 17:30era LH 1 eta 3 arteko haurrentzako ikastaroa eskainiko da eta 17:30etik 19:30era LH4 eta DBH bitartekoentzakoa.

Taldeak mugatuak izango dira eta ikastaroa egiteko ezinbestekoa izango da patinak eta kaskoa eramatea. Izena igerilekuan eman beharko da. Kirol Patronatuko bazkideek 20€ ordaindu beharko dituzte eta bazkide ez direnek 30€.

Azpeitiako Udal Kirol Patronatuak osatu du 2023ko udako jardueren eskaintza

Uztaila eta irailean zehar eskaintza zabala eskainiko da igerilekuan. 4-13 urte bitartekoentzako ikastaro trinkoez gain, bestelako jarduerak ere eskainiko dira. Jarduera guztieratako izen emateak maiatzaren 29tik ekainaren 4ra irekiko dira.

Umeentzako ikastaro trinkoak uztailaren 3tik 21ra eta irailaren 11tik 29ra izango dira, astelehenetik ostiralera, egunero. Ordutegiak honakoak izango dira:

Gehiago irakurri: Azpeitiako Udal Kirol Patronatuak osatu du 2023ko udako jardueren eskaintza